Search
Close this search box.

ابن الملك

الشخصيات:

 مينا، ماري ، ماما ، جدو

المشهد الأول:

 في بيت مينا و مارك و هم يلعبون بلعبهم  تدخل الأم

الأم: طبعا مبسوطة انه مفيش مدرسة وقضية وقتك كلو في اللعب

مينا: طبعا يا ماما..هو في أحلي من اللعب؟

ماري: دة أنا ما صدقت  انه الأمتحانات خلصت.. و الأجازة بدأت.

(تسكت ميري ثم تقول بحماس): تنفع أغنية..الأمتحانات خلصت و الأجازة بدأت..ياللا يا مينا قول معايا الأمتحانات  خلصت  والأجازة بدأت..الأمتحانات. .( تقاطعات الأم و هي تضحك.. )

الأم: خلاص يا ست ميري..عرفنا صدقيني…و علشان كدة أنا و بابا محضرنلكم مفاجأة. ..حافر لجدو في البلد

( يقفز الأطفال فرحانين) هييييييييه

مينا: أمتي ياماما؟

ماما: بكرة انشاء الله. .علشان كدة يا حلوين لازم تبدأوا في ترتيب شنطكم حالا..علشان  حنسافر الصبح بدري

مينا و ماري: حالا يا ماما

(تذهب الأم )

ماري: طبعا انت بتفكر من دلوقتي إيه السؤال اللي حتسأله لجدو. .مش كدة؟

مينا: أساسي طبعا. .أنا بأستمتع جدا و أنا بحكي مع جدو..بس مش محتاج أفكر في سؤال. .لأنه في سؤال محيرني من مدة و مفيش غير جدو هو اللي حيجاوبني عليه…

ميري ( بإلحاح ): سؤال  إيه؟ ها؟؟؟سؤال  إيه؟؟قوللي يا مينا. .متقول  بقي!!!

مينا: بس يا ماري..كفاية  زن. .حتعرفي لما نقابل جدو..دلوقتي لازم  نرتب حاجتنا. .ياللا بينا

ينزلوا من المسرح))

 

المشهد الثاني:

جدو يقرأ في كتاب و يدخل الأطفال..

مينا و ميري: صباح الخير يا جدو..

جدو: صباح النور يا حبايب جدو…إيه النشاط دة!!

مينا: أنا صحيت علطوووول يا جدو..لكن ماري بقي صحيت بالعافية

ماري: أصل أنا يا جدو بالنسبة  لي الأجازة يعني نووووووووووم…النوم دة جميييييييييل( تبدأ في التثاؤب  )

جدو يضحك: لأ واضح انك بتحبي النوم..دة انت شكلك حتنامي و انتي واقفة!!

مينا يضحك: أيوة يا جدو. .حتنامي زي الحصااااان..هاهاهاهاها

ماري بغضب: شفت يا جدو..مينا بتريقة عليا..خليه يبطل!!

جدو: عيب يا مينا..متزعلش اختك منك. ..اعتذرلها

مينا: خلاص يا ستي. .حقك عليا متزعليش مني.

جدو: أنا مبسوط منكم اوي يا حبيبي. .تيجوا نفطر مع بعض؟؟

مينا: أكيد يا جدو..بس قبل ما نفطر أنا في سؤال شاغلني و عايز أسألهولك

ماري: أيوة بقي أسأل!!

جدو: اتفضل يا حبيبي..أسأل علطوووول

مينا: في  مدارس الأحد علشان انا كبرت رحت فصل جديد اسمه أولاد الملك..و دايما الميس تقولنا انتو أولاد الملك..أنا مش فاهم ازاي انا ابن الملك..و بصراحة أتكسفت أسأل في الفصل الأولاد و البنات يضحكون عليا..فقلت أكيد جدو عنده الأجابة.

جدو: سؤالك جميل جدا يا مينا..و متتكسفش أبدا انك تسأل..السؤال هو اللي يخليك تتعلم و تفهم..

فاكر يا مينا الأجازة إللي فاتت لما قلتلي انك صليت للرب يسوع و طلبت منه أنه يسكن في  قلبك؟؟

مينا: طبعا يا جدو و هي دي حاجة تتنسي. .دي أحلي حاجة حصلت في حياتي

جدو: أكيد يا مينا..و فاكر الأيه اللي انا قلتهالك في الوقت دة؟؟

ماري: أنا فاكرة يا جدو..في أنجيل يوحنا أصحاح واحد وعدد اتناشر بتقول” و أما كل اللذين قبله فأعطاهم سلطانا أن يصيروا أولاد الله، أي المؤمنون بإسمه.”

جدو: برافوعليكي يا ماري…يعني انت لما تقبل الرب يسوع في قلبك..و تطلب منه أنه يغفرلك خطيتك علشان هو مات على الصليب علشانك..و الرب يسوع يغفر لك خطيتك بدمه. .ساعتها انت بتكون من أولاد الله..يعني ايه؟؟

مينا بفرح: ابن الملك!!!

جدو: برافو عليك يا مينا..السؤال المهم بقي..إبن الملك دة يتصرف ازاي؟؟

مينا: عادي يا جدو..حيتصرف أزاي يعني؟

جدو: طب اسمع القصة دي انت و ميري و بعدين فكر..دي قصة  أنا سمعتها عن ملك كان عنده ابن جميل و طيب جدا..كان عندهم بيشترى في القصر راجل كبير بياخد باله من الأحصنة الملكية.وفي يوم الراجل دة عمل حادثة وكان محتاج نقل دم ضروري..الأميرعلشان كان طيب و بيحب الناس اتبع بالدم علطول للرجل دة..مرت الأيام و الراجل بقي كويس و الملك عرف باللي حصل وامبسط من الأمير اوي..وفي يوم بيسأل الأمير علي الراجل دة..قاله بقي كويس قواعد في الاسطبل مع الأحصنة. ..

الملك اتضايق و قال للأمير الراجل دة عايش علشان اخد دم من مين؟؟قاله مني!! راح الملك قال للأمير بالظبط..الراجل دة بيجري في دمه دم ملوكي..مينفعش يقعد تاني في الأسطبل. .دة لازم يعيش في القصر الملكي..فهمتوا ايه؟

ماري: حياة الراجل دة اتغيرت بعد ما الأمير نقله دمه…

مينا: بالظبط زي ما حياتي اتغيرت بعد ما الرب يسوع سكن في قلبي..

جدو: يبقي لازم كلامك و تصرفاتك يا مينا تليق بإبن الملك…الكتاب المقدس بيشجعنا علي كدة…علشان داوود كان إبن للملك صلي في مزمور تسعتاشرو عدد اربعتاشر و قال كدة” لتكن أقوال فمي و فكر قلبي مرضية أمامك يا رب”

مينا: فعلا يا جدو. .أنا لازم اخد بالي من كلامي وتصرفات بالذات وسط أصحابي

(تدخل الأم في هذه اللحظة )

الأم: انتو مجعتوش. .الفطار جاهز

ماري: أنا جعانة اوي

مينا : و أنا كمان..شكرا اوي يا جدو علي الكلام الحلو دة

جدو: العفو يا حبيبي..و دايما خليكوا فاكرين يا أولاد كل ما نقرا في الكتاب المقدس أكتر..كل ما حنعرف ازاي نتصرف..ياللا بينا نفطر دلوقتي.

(تنزل العرايس من المسرح و تغلق الستار )

سالي أنيس

©www.madareselahad.org